Elkano Sariko bigarren finalerdia jokatu zuten uztailaren 26an Getarian. Azken partidetako maila bikainari jarraipena emanez asteartekoa ere partida ederra izan zen. Batez ere ikusgarria atzeko koadroetan bi atzelariek izan zuten lehia. Amaieran gorriak gehiago asmatu zuten eta garaipen handia lortu zuten: Iera Agirre Iturriaga leitzarrak eta Ane Mendiburuk 22-16 irabazi zieten Irantzu Etxebeste Iantzi beratarrari eta Mujikari.
Beraz, igandeko final handian Iturriaga-Mendiburu eta Ruiz de Infante-Oses izanen dira aurrez aurre.