Plazaz Plaza txapelketako hiru partida jokatuko dituzte asteburu luzean

Ttipi-Ttapa 2022ko uzt. 22a, 12:00
Gaur Garesen eta igandean Otxandion ariko da Etxekolonea zubietarra. Astelehenean Mendaron, Iturriaga leitzarrak Iantzi beratarra izanen du arerio aitzineko kuadroetan.

Ortzirale arratsaldean Garesen, igande arratsaldean Otxandion eta astelehen eguerdian Mendaron izanen dira pilotariak. Ados pilota elkarteak bigarren urtez antolatutako pilota txapelketako hiru partida jokatuko dituzte asteburu luze honetan, Nafarroan, Bizkaian eta Gipuzkoan. 

Hasteko, gaur, uztailaren 22an, 19:00etan Garesen ariko dira Andrea Aldaregia eta Olatz Ruiz de Larramendi, Irantzu Etxebeste Iantziren eta Irati Zabala Urrizaren kontra.

Uztailaren 24an, igandean 18:00etan Otxandion (Bizkaia) Ainhoa Ruiz de Infante eta Maite Ruiz de Larramendi Mujika, Naroa Elizalde Etxekolonea zubietarraren eta Naroa Agirreren kontra ariko dira.

Uztailaren 25ean, astelehenean 12:00etan Mendaron (Gipuzkoa), azkenik, Andrea Aldaregia eta Iera Agirre Iturriaga leitzarra, Irantzu Etxebeste Iantzi beratarraren eta Olatz Ruiz de Larramendiren kontra ariko dira

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun