Kasu nekazaritzako eta mendiko lanetan
Gisa berean, Nafarroako Gobernuak gogorarazi ditu mendiko suteak sor ditzaketen makinen arriskuak, hala nola belarra paketatzeko makinak, bulldozerra, egurra ateratzeko prozesagailuak eta autokargagailuak. Horrela bada, tenperatura maximoak direla-eta AEMETek abisu horia aktibatzen duen momentutik, debekatuta geldituko da makina horiek erabiltzea 14:00etatik 18:00etara. Abisua laranja edo gorria bada, debekua egun osora zabalduko da.
Nafarroa hegoaldeko mendiko pistetan debekatu dute ibilgailu motordunekin ibiltzea
Gainera, Nafarroa hegoaldeko mendiko pistetan debekatuta dago ibilgailu motordunekin ibiltzea, baimendutako ibilgailuak izan ezik. Azkenik, Babes Zibileko eta Larrialdietako Zerbitzuak gomendio orokor hauek betetzea gomendatu du, suteek sor ditzaketen arriskuak saihesteko:
- Pospoloak eta zigarro-puntak behar bezala itzali gabe ez botatzea lurrera.
- Botilak eta kristalezko objekturik ez uztea mendian.