22:00etan egina zuten hitzordua linternak piztu eta mendiak argiztatzeko eta ordurako, jendez beteak ziren eskualdeko hainbat mendi. Eguraldi ederra lagun, mendi batzuetan musika ere izan zuten giroa alaitzeko.
Ekimenaren bidez nazioarteko komunitateari mezua argia bidali nahi izan diete ekimenaren antolatzaileek:«Gure herrientzat errespetua eskatzen dugu; gure hizkuntzarentzat eta kulturarentzat begirunea exijitzen dugu; gure herritar guztien eskubide zibil eta politikoak errespetatzeko eskatzen dugu. Gure herrien borondate demokratikoa errespetatzea exijitzen dugu»
Etorkizunean ekimen bateratu gehiago antolatuko dituztela jakinarazi zuen Gure Eskuk Jaizkibelen egindako agerraldian.