Odol-emaileen «erantzukizuna» eta «konpromiso eskuzabala» omendu zituen atzo Adonak. Ekitaldia Iruñeko Baluarte Auditoriumeko Areto Nagusian egin zen, eta 208 pertsonari eman zieten esker on intsigniak. 208 horietatik 11k 150 odol-emate egin dituzte bizitza osoan, bertze 45ek 100 odol-emate eta gainerako 152ak 50 odol-emate. Sarien banaketan Unai Hualde Nafarroako Parlamentuko presidenteak, Santos Indurain kontseilariak, Anton Zubasti Adonako presidenteak eta Susana Pardo Adonako presidenteordeak hartu zuten parte.
Gure eskualdekoak dira 5
2021ean 50 odol-emate egitera iristeagatik esker on intsigniak hartu zituztenen artean badaude 5 gure ingurukoak direnak. Hauexek dira:
- Pakita Goñi Pikabea (Bera)
- Miguel Angel Lizarraga Zabaleta (Leitza)
- Julio Salinas Maeztu (Lesaka)
- Javier Bertiz Subizar (Elizondo)
- Jose Angel Bidaurre Irigoien (Bera)