Berako pilotariak Esteribarkoen kontra lehiatu ziren, eta haurren eta seinen mailako partidak eskuratuta lortu zuten finalerako txartela.
Haurren mailan, Goñi-Iguzkiagirre bikote beratarra 18 eta 7 nagusitu zen Esteribarko Caballeroren eta Goñiren kontra. Ondotik, kimuen mailan, Esteribarko Villanueva-Santesteban bikotea, 18-9 nagusitu zen Berako Lazkano-Etxegarai pilotarien kontra. Hirugarren partidan, seinen kategorian erabaki zen dena. Kasu horretan ere Berako Goñi eta Korta 18-9 nagusitu ziren Esteribarko Esain-Azkuneren kontra, eta horrela, finalerako txartela eskuratu zuten.
Doneztebeko pilotarien kasuan, aldiz, Leitza garaitu zuten hiru kategorietan. Haurretan, Doneztebeko Elizalde-Leiza bikotea aise nagusitu zen Leitzako Olaizola-Andiarena bikotearen kontra, 18-4ko markagailuarekin. Kimuetan, ere Doneztebeko Leiza-Ezkurra bikoteak aise irabazi zuen Sagastibeltza eta Ugartemendiarekin kontrako lehia, 18-5 irabazita. Seinetan, aldiz, estuagoa izan zen bi taldeen arteko lehia, baina, azkenean Doneztebeko Barbarin eta Madariaga bikoteak, 18-14 irabazi zuen Leitzako Baleztena eta Bidarten kontra.
Kasu horretan asteburu honetan dituzte jokatzekoak finalerdiak Iruñeko Labriten. Baztanek eta Barañainek jokatuko dute lehen finalerdia, eta bigarrena, aldiz, Doneztebek eta Larraun. Bi herri irabazleak sailkatuko dira finalerako.