Izan ere, Urrutia erizaina da eta bere lanbidearekin ez du zerikusirik joskintzak, «baina betidanik gustatu izan zaizkit eskulanak eta jostea. Nire amak ere aunitz josten zuen eta ez dakit horregatik edo, beti gustatu zait. Gehien bat apuntatu nintzen patroiak nola egin erakusten zutelako: soineko bat egin nahi banuen, neurriak hartu… prozesu dena erakusten zuten eta aunitz gustatu zitzaidan. Egia erran, gauza pila bat ikasi nuen eta gustura gelditu nintzen ikasitakoarekin. Gero segitu nuen ikasten, baina pandemia honekin arras bazter utzia dut. Kontzentrazioa behar duzu eta ez da manerarik, pena bat da».
Halere, orduan ikasitakoa aunitz erabili izan du Kristina Urrutiak: «Egin izan ditut abrigoak, soinekoak, faldak… oraindik ere zerbait egin nahi dudanean, patroiak atera eta hasten naiz lanean».