Badira urte batzuk Erkidegoan (EAE) antolatzen diren Prest Garako formakuntzaren eskutik, Elizondoko Haur Eskola ezagutzeko zortea izan genuenetik.
Unean bizitakoak sortutako miresmenaren distirak ez itzaltzeaz gain, bertan ikasitakoa eredu bihurtu da eta oinarrizko ezagutzak ezarri ditu gure ibilbidean leiho eta ate berriak irekiz.
Horretaz gain, Hik Hasik Gipuzkoan ematen dituen formakuntzetan Nafarroako haur eskolak erabili dituzte formazioaren osagarri eta eredu gisa. Bide honetatik, ezagutu dugu Nafarroan 0-3 urteko hezkuntzan dagoen kalitatea.
Nola bermatu eta mantendu kalitate hau beharrezko baldintzak ez badira betetzen? Azken urteotan 0-3 Plataforma deituriko taldea jarraitu dugu eta beraien egungo egoera ezagutu ondoren, benetan harrigarria iruditzen zaigu nola lortzen duten horrelako kalitatea eskaintzea.
Idatzi honen bitartez beraien aldarrikapenekin bat egiten dugu eta baldintza duin batzuen aldeko aldarrikapenak geureak egiten ditugu.
Sinadura: Haur Hezkuntzako Hezitzaile garen:
- Monika Aranburu Zurutuza,
- Amaia Dorronsoro Goikoetxea,
- Nere Inda Goikolea,
- Ainhoa Odriozola Aldalur eta
- Mari Seara Eizagirre.