Nafarroako launakako sokatira txapelketako lehen txapela, txapelketa mistokoa, Beti Gaztek irabazi zuen joan den larunbatean Lesakan. Hurrengo biak, emakumezkoen eta gizonezkoen pisu astunetakoak (255 eta 320 kilo, hurrenez hurren) maiatzaren 7an banatuko dituzte Antsoainen. Lehen jardunaldian, bi bietan Beti Gazte nagusitu zen eta berriz ere lesakarrak izanen dira txapelak janzteko faborito.
Emakumezkoetan, Beti Gazterekin batera, Amaiur A eta B, Antsoain, Txantrea eta Araxes A lehiatuko dira. Gizasemeetan, lesakarrkein batera, Amaiur, Txantrea, Berriozar eta Antsoain ariko dira.
Tiralari helduekin batera, 20 urtez beheitikoek eta kadete mailakoek ere lehen jardunaldia jokatuko dute. 20 urtez beheitikoetan ez da eskualdeko ordezkaririk, baina kadete mailan Amaiur lehiatuko da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.