Irailetik aitzinera funtsezko gaitasunen titulua ateratzeko helduen eskola egin asmo dute Bortzirietan, Malerrekan eta Baztanen. Horren aitzinetik, egun hauetan egin dituzte bakoitzaren maila neurtzeko azterketak. Donezteben 5 lagunek egin dituzte probak, Elizondon 9 lagunek, eta Beran, aldiz, 18k. Denera, beraz, 32 dira proba egin duten ikasleak. Doneztebeko Enplegu Bulegoak jakinarazi duenez, ordea, datozen egunetan ere jarraituko dute bulegoan azterketak egiten, proposatutako datetan ezin izan baitira azaldu hautagai denak.
Irailean hasi asmo dute helduen eskola, eta hasiera batean funtsezko gaitasunen titulua ateratzeko klaseak emanen dituzte. Funtsezko gaitasunen titulua ezinbertzekoa da enplegurako prestakuntza egin nahi duten eta DBHko titulaziorik ez duten herritarrentzako.
Horrekin batera, gaztelaniazko klaseak ere eskainiko dituzte, eta Donezteben 14 lagunek egin dituzte probak horretarako.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.