48. Bidasoa Itzulia maiatzaren 5etik 7ra eginen dute eta kilometro aunitz eskualdeko errepideetatik eginen dituzte txirrindulariek. Gaurko lehen etapa, erraterako, Irungo Urdanibia plazan abiatuko da 14:20an eta Igantziko IrrisarriLanden bukatuko da, 104,2 kilometro egin ondotik.
Eskualdean Endarlatsan barna sartuko da lasterketa (14:38) eta Bera (14:45), Sunbillako saihesbidea (15:05), Narbarte (15:13), Oronoz-Mugairi (15:17), Irurita (15:26), Elizondo (tarteko helmuga, 15:30), Zigako gaina (3. mailakoa, 15:59), Irurita (16:06), Elizondo (tarteko helmuga, 16:10), Sunbilla (16:38) eta Berrizaun (16:50) igaroko da, Igantziko Irrisarri Landen (3. Mailakoa), 17:00 aldera helmugaratu baino lehen.
Ortziraleko etapak Hendaia eta Hondarribia lotuko ditu, 119,4 kilometro egin ondotik. Honetan ere zatirik handiena eskualdean barna eginen da, berriz ere Endarlatsatik sartuta (14:38), tarteko helmuga izanen dute Berako saihesbidean (14:45), Zigako gaina (3. maila, 15:33), berriz ere tarteko helmugan Berako saihesbidean (16:24) eta berriz ere Gipuzkoan sartuko da, Jaizkibelgo gaina igaro ondotik (1. maila, 17:14) Hondarribian helmugaratzeko, 17:30 aldera.
Larunbateko etapa Irunen 15:25ean hasi eta Irunen bukatuko da (77,3 km), baina eskualdean ere izanen ditu kilometro batzuk. Gurutzeko gaina (3. maila, 15:39) eta Aritxulegiko gaina (1. maila, 15:54) igo ondotik sartuko dira txirrindulariak eskualdean eta Aginako gaina (1. maila, 16:07), Lesaka (16:20), Berako saihesbidea (tarteko helmuga, 16:28) igaroko dituzte, Lastaola baserriko bidegurutzea ezker hartu eta San Martzial gaina igoko dute (2. maila, 16:44), Erlaitzeko gaina (1. maila, 16:57) eta Irungo Colon pasealekuan helmugaratuko dira (17:25).