Berria erremonte txapelketako bigarren finalerdia jokatuko dute apirilaren 2an Galarretan Aldabe eta Oier Apezetxea goizuetarrak, Oskar Urrutia II.a eta Labakaren kontra. Irabazlek, joan den larunbateko beste finalerdian garaile izandako Loitegi eta Zaldua izanen dituzte esperoan apirilaren 9ko finalean.
Larunbateko jaialdia Galarretan
Berria txapelketako finalerdia larunbatean 16:30ean hasiko den jaialdiko hirugarren partida izanen da. Aitzinetik, lehen partidan, Segurola eta Odei, Goikoetxea V.a eta Martirenaren kontra ariko dira. Partida nagusian, aurreko koadroetan Urriza eta Josetxo Ezkurra II.a doneztebarra izanen dira aurrez aurre. Larrañaga eta Azpiroz izanen dituzte laguntzaile atzean, hurrenez hurren.