Otsailaren 4an aurkeztu zuten Donostian, eta geroztik herriz herri dabil Sarek eta Gastibeltzak ekoitzi eta Lander Garrok zuzenduriko dokumentala. Asteburu honetan ailegatuko da eskualdera. Ortziralean, martxoaren 25ean, Elizondon emanen dute Arizkunenean 19:00etan. Larunbatean, martxoaren 26an, Lesakan emanen dute Harriondoan 19:00etan. Azkenik, Leitzan ere ikusteko aukera izanen da. Kasu horretan, apirilaren 23an, larunbata, eskainiko dute Herri Aretoan 18:00etan.
'Tipularen sehaska kanta' dokumentalaren emanaldiak izanen dira datozen egunetan Elizondon, Lesakan eta Leitzan
Gaixotasunaz eta espetxeaz dihardu Tipularen sehaska kanta dokumentalak, espetxearen gordinean gaitz mental eta fisikoekin bizitzea zer den. Helburua, larriki gaixo dauden presoen errealitatea eta haien eguneroko egoera argitara ateratzea da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun