Beran gaurtik aitzinera itxialdia
Beran gaur hasiko dituzte mobilizazioak eta 17:00etatik igandeko 11:30 arte itxialdia eginen dute langileek. Horrez gain, gaur, udal ordezkariak haur eskolara afaltzera gonbidatu dituzte, egoeraren berri emateko. Eta asmo berarekin, bihar, aperitibo-erromeria eginen dute familiekin eta udal ordezkariekin, 11:00etatik 13:00etara.
Igandean, 11:30etik 12:00etara elkarretaratzea eginen dute haur eskolako atarian, Mukixuko aparkalekuan.
Elizondon ere itxialdia
Beran bezala, Elizondon ere gaur hasiko dira mobilizazioekin. 17:00etatik 18:30era Elizondo girotzeko pankartak paratzen eta dendetan informazioa banatzen ariko dira. 18:30etik 19:30era, berriz, Baztango herrietan informazioa banatu eta kartelak paratuko dituzte eta 20:00etan udal ordezkariekin eta guraso elkartearekin merienda-afaria eginen dute.
Igandean, bertzalde, 12:30ean, elkarretaratzea eginen dute Elizondoko plazan.
Lesakan elkarretaratzea bihar
Nafarroako haur eskoletan egitekoak diren itxialdiei elkartasuna adierazteko, Lesakako Magala Haur Eskolak bihar, 11:00etan, hamaiketakoa eginen du, eta ondotik, egoeraren berri emateko Nafarroako haur eskolen egoera pantailaratuko dute familientzat eta udalarentzat. 12:00etan, elkarretaratzea eginen dute Lesakako plazan.
Leitzan elkarretaratzea igandean
Leitzako Itzaire Haur Eskolan, atzo, asanblada irekia egin zuten egoeraren berri emateko, eta igandean eginen dute hurrengo hitzordua. 11:00etan haur eskolan hamaiketakoa eginen dute eta ondotik, 12:00etan plazan biltzeko deia egin dute.