Goizeko hamarretan elkartu dira Nafarroako landa eremuko nekazari eta abeltzainak, Sadar futbol zelaiaren inguruan. Antolatzaileen arabera 200 traktore baino gehiago etorri dira hiriburura. Traktoreak eta aldarrikapenak ekarri dituzte. Egungo ekoizpen prezio altuek eta produktuen salneurri baxuek ezinezkoa egiten dute ustiategien biziraupena, eta prezio duinak behar dituzte. Elikadura katearen legearen betetzea ere galdegin dute, eta ohartarazpen bat egin: landa eremua desagertze arriskuan dago.
Nekazarien protestak bete-betean eragin dio Iruñeko erdiguneari
Gaur goizean Nafarroako EHNEk, UAGNk eta elikagai arloko kooperatibek deitutako manifestazioan milaka pertsona elkartu dira Iruñeko karriketan. Lehen sektorearekiko «errespetua» eta «Elikagai Katearen Legea bete dadila» eskatuz, 10:30ean hiria zeharkatuko dute traktoreekin. Gero, 11:30 aldera, manifestazioa egin dute Landa Garapenerako departamentutik abiatuta.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun