Arratsaldeko Biba zuek! saioan Berako Gure Txokoa Dantza Taldeko Jon de la Cruzek eta Saioa Zelaietak Berako Inudeen eta Artzainen berri eman zuten. Igandean dira ospatzekoak Beran, eta inoiz baino jendetsuagoak izatea espero dute.
Ondotik, Itxi liburuak saioan Euskal Herriko inauteriak aztertu zituzten, eta tartean Goizuetako Zahagi dantza eta Iturengo joaldunei buruz solastu ziren. Goizuetako Fernando Goia zahagiz mozorrotuta atera zen Goizuetako inauterien berri emateko, eta bertara joateko deia luzatu zuen.
Azkenik, Aitziber Garmendia saioko gonbidatua eta Gaizka Aranguren Iturenen izan ziren, eta Javier Bereau joaldunak Iturengo inauteriei eta joaldunei buruzko kontuak kontatu zizkien.