Kobaz Koba Trail lasterketa jokatu zuten igandean Zestoan (Gipuzkoa), eta emakumezkoen kategorian 25 km-ko proban Leire Baraibar Aresoarrak eskuratu zuen garaipena. 02.42.48ko denbora behar izan zuen Baraibarrek 25 kilometroko ibilbidea burutzeko. Sasoiko dabil Baraibar azken bi asteburuetan garaipenak lortu baititu parte hartutako bi probatan.
25 kilometroko lasterketarekin batera jokatu zuten 15 kilometroko proba ere, eta bertan Ibon Erdozain beratarrak bigarren postua eskuratu zuen 1.10.04ko denbora eginda. Proba berean Anizko Unai Iantzi (1.13.25) bortzgarren sailkatu zen, eta emakumezkoen kategorian laugarren postua lortu zuen Berako Ane Eltzaurdiak (1.32.41).