Ados pilota elkarteak antolatutako Eusko Label binakako pilota txapelketako sailkapen faseko azken partidak jokatu dituzte asteburuan: ortziralean Diman, larunbatean Lazkaon eta igandean Itziarren.
Ortziralean Diman, Santosek eta Urrizak 22-5 irabazi zieten Mondragoni eta Zaldaini eta Kortazarrek eta Ezeizak 22-17 irabazi zieten Etxeberriari eta Iraetari.
Larunbatean Lazkaon sailkapen bururako bi partida garrantzitsu jokatu zituzten. Iturriaga leitzarrak eta Egañak 22-12 irabazi zieten Iantzi beratarrari eta Etxenikeri eta Zelaiak eta Lopezek 22-17 irabazi zieten Kortazarri eta Iraetari. Gisa honetara, sailkapen buruan zeuden bi bikoteek garaipan lortu dituztenez, biek lortu zuten finalerdietarako txartela.
Igandean Itziarren, Iantzi beratarrak eta Etxenikek 22-20 irabazi zieten Iturzaetari eta Azpeitiari.
Honela, eskualdeko pilotariei dagokienez, finalerdietan zuzenean izanen da Iturriaga leitzarra eta final laurdenetako partidak jokatu beharko dituzte Iantzi beratarrak eta Etxekolonea zubietarrak.