Abenduan baino 47 langabetu gehiagok eman dute izena Doneztebeko enplegu bulegoan

Denera 666 dira, joan den urteko ilbeltzean baino 276 guttiago

Abenduan baino 47 langabetu gehiago zeuden apuntatuak Doneztebeko Enplegu Bulegoan ilbetz hondarrean. Zehazki, 666 dira izena emandakoak. Halere, joan den urteko ilbeltzean baino 276 guttiago dira. Zerbitzuen arloan izan da igoerarik handiena, justu 28 langabetu gehiago baitira arlo horretan (493). Industria arloan ere 25 langabetu gehiago daude (113). Nekazaritza-abelzaintzan ere bi langabetu gehiago daude (20), Bertze arloetan, aldiz, zerbait beheiti egin du langabetu kopuruak. Eraikuntzan sei langabetu  guttiago daude (23), eta aitzinetik lanik egin gabekoen artean bi guttiago (17). Ondoko koadroan herriz herriko datuak eta urtez urteko konparazioa ikus dezakezue.