MENDIAK-1976. trailer from Luis Arrieta on Vimeo.
Istorioa 1976an hasi zen, mendizale gazte talde bat Iruñeko udaletxeko plazatik Afganistango Hindu Kush mendikateraino bi lur-orotako ibilgailutan abiatu zenean. Abentura, aurkikuntza berriak eta exotismoz beteriko espedizioa izan zen, 7.116 metroko Shakhaur tontorrera igotzeaz batera arrakastaz amaitu zena. «Euskaldunen lehen zazpimilakoa» izan zen, gure himalayismoaren historian mugarri bat.
Baina gailurrera igo izanaren poza laster bihurtu zen tristura, jautsieran zoritxarreko istripu bat gertatu zenean: espedizioko kideetako bat hil zen eta bertze bat larri zauritu zen. Inguruan zegoen poloniar espedizio baten ezinbertzeko laguntzari esker, nafarrek zauritutako laguna salbatzea lortu zuten. Balentria hark betirako lotu zituen bi espedizioak.