Ekintza Turistikoaren Plana osatzeko bigarren lan-saioak eginen dituzte abenduaren 14an Lesakan eta 16an Elizondon

Ttipi-Ttapa 2021ko abe. 11a, 11:00
Deskargatu Info Ahotsak :
es en fr

Elizondoko Arizkunenea kultur etxeko ganbaran egin zen lehen saioko bilera Baztanen.

Nafarroako Gobernuko Turismo, Merkataritza eta Kontsumo Zuzendaritza Nagusiak Turismo Espazioak Kudeatzeko Unitateak (UGET) jarriko ditu abian. Eskualdean plangintza, koordinazio eta antolaketa eraginkorrean oinarritutako kudeaketa turistikoko sistema berri bat ezartzea da helburua, Next Generation funtsek eskaintzen dituen sektorea eraldatzeko aukera aprobetxatuz eta lurraldeko eragileen lankidetza eta Nafarroako Gobernuko bertze departamentu eta enpresa publikoekiko lankidetza izanik. Azaroan egindako lan-saioetan eskualdeko egoeraren diagnostikoa egin ondotik, bigarren saioak eginen dituzte abenduaren 14an Lesakan eta abenduaren 16an Elizondon.

Guztien artean Ekintza Turistikoaren Plana osatuko duten jarduerak planteatuko dituzte. Plan horrek balioko du datozen hiru urteetan eskualdean turismo jasangarria lortzeko eraldaketa planifikatu eta garatzeko.

Lesakan egin zen lehen bilera azaroan.

Turismo, Merkataritza eta Kontsumo Zuzendaritza Nagusitik aipatu dutenez,  «zuen parte-hartzea funtsezkoa da; izan ere, Plan hau zuena da, eta, beraz, zuen ekarpen eta proposamenekin egin behar da, zuek inork baino hobekiago ezagutzen baituzue zuen lurraldeko errealitate turistikoa».

 

 

Parte-hartzea errazteko, bi egoitzaren artean aukera daiteke:

Eguna: Abenduaren 14ean

Ordua: 19:00etan

Lekua: Lesaka, Udaletxeko batzar aretoan

Inskripzioa: https://forms.gle/XVzj9DH566Rco2zg6

 

Eguna: Abenduaren 16ean

Ordua: 19:00etan

Lekua: Eizondo, Kultur etxean (ganbaran)

Inskripzioa: https://forms.gle/XVzj9DH566Rco2zg6

Zalantzarik edo galderarik baduzue, jarri harremanetan tpi@navarra.es helbidean.

 

Gizartea Baztan Bortziriak Elizondo Lesaka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun