Ondotik sailkatu ziren Antsoain, Bizindar eta Goiherri.
Beti Gazteko laukote txapeldunean Joxe Angel Mitxelena, Irantzu Goienetxe, Ainhoa Ubiria eta Gerardo Telletxea aritu ziren tiran, Udane Arbelaitz entrenatzaile zutela.
Euskal Herriko launakako eta Nafarroako txapel guztiak Beti Gaztek
Gisa honetara, Beti Gaztek Nafarroako txapelketa absolutoan eta Euskal Herriko launakakoan jokatutako txapel guztiak irabazi ditu.
Orain, geldialdi labur baten ondotik, 2022ko urtarrilean eta otsailean jokatuko den Euskal Herriko zortzinakako txapelketan ere parte hartuko du Beti Gaztek kategoria guztietan: gizonezkoak 680, 640, 600 eta 560 kilotan, emakumeak 540 eta 500 kilotan eta mistoa 580 kilotan. Amaiur ere lehiatuko da Euskal Herrikoan kategoria gehienetan, emakumezkoen pisu astunenean eta gizonezkoen pisu astunenean eta arinenean izan ezik.
Gero, martxoaren 2tik 6ra Herbeheretako Doetinchem hirian jokatuko den munduko txapelketan parte hartzeko asmotan da Beti Gazte.