Matthew Barraclough: «Oso pozik nago nik bezala tokiko albisteak maite dituen jendearekin lan egiteaz»

BBCko Local News Partnership taldeko burua da Matthew Barraclough. Erresuma Batuko tokiko komunikabideen eta BBCren arteko elkarlana guztientzako lagungarria dela azpimarratu du Barraclough, eta tokikoen lana balioan jarri du: «Tokikoak dira beraien eremua eta komunitatea ezagutzen dutenak».

2014an, prozesua abiatu zutenean, ez zegoen harreman handirik tokikoen eta BBCren artean, eta proiektu honi esker buelta eman diote egoerari. Gaur egun, lankidetza hiru arlotan ematen da bereziki: BBCk egindako bideoak partekatu, datuen kazetaritza eta datuekin lotutako edukien partekatzean.
 
Tokiko komunikabide bakoitzak bere ezaugarri propioak dituela jakitun dira BBCn; bai baliabide teknikoei dagokienean, eta baita giza baliabideetan ere. Hala, elkarlanerako sistema, guztien beharretara egokituta dagoela azaldu du.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun