Nafarroako Gobernuak eta parlamentuko talde gehienek adostutako udal finantzaketarako eredu berriak ia 9 milioi eurora altxatuko du datorren urtean Baztan-Bidasoko udalei beren funtzionamendua eta zerbitzuak finantzatzeko emanen zaien zenbatekoa, aurten baino 1,7 milioi euro gehiago.
Kontseilariak adierazi duenez, «finantzaketa eredu berria Europako eta Nafarroako Lurralde Estrategiaren arabera egin da, herritar guztiek zerbitzu eta azpiegituretarako sarbide baliokidea izanen dutela bermatzeko».
Kontseilariak azaldu duenez, orain udal bakoitzaren diru kopuruak zehazteko «banaketa aldagaiak sartzen dira, elkartasunean eta lurralde-justizian oinarrituta, eta finantzaketaren zati bat toki erakundeek ematen dituzten zerbitzuekin lotzen da». Topaketan Jesus Mª Rodríguez Toki Administrazioko eta Despopulazioko zuzendari nagusiak eta Javier Zia Kudeaketa eta Lankidetza Ekonomikoko Zerbitzuko zuzendariak ere parte hartu dute.
Hemendik aitzinera, udal bakoitzari esleitutako zenbateko guztiak KPI + 2 puntu, hau da, urtearen buruan Kontsumorako Prezioen Indizeari 2 puntu gehituz berrituko da hurrengo urteetan eta, hartara, toki entitateen finantzaketari egonkortasuna emanen zaio.
| 2022an Nafarroako Ogasunak udalei eginen dizkien transferentziak | ||
| Arano |
55.000 € | + % 14,0 |
| Arantza | 240.000 € | + % 47,9 |
| Areso |
145.000 € | + % 5,7 |
| Baztan | 3.200.000 € | + % 18,6 |
| Beintza-Labaien | 85.000 € | + % 5,2 |
| Bera | 1.200.000 € | + % 23,7 |
| Bertizarana | 270.000 € | + % 18,7 |
| Donamaria | 165.000 € | + % 22,2 |
| Doneztebe | 715.000 € | + % 29,2 |
| Elgorriaga | 90.000 € | + % 8,5 |
| Eratsun | 65.000 € | + % 40,3 |
| Etxalar | 315.000 € | + % 43,7 |
| Ezkurra | 65.000 € | + % 12,8 |
| Goizueta |
340.000 € | + % 18,3 |
| Igantzi | 240.000 € | + % 53,4 |
| Ituren | 220.000 € | + % 53,4 |
| Leitza |
1.070.000 € | + % 28,7 |
| Lesaka | 930.000 € | + % 9,0 |
| Oiz | 60.000 € | + % 33,1 |
| Saldias | 70.000 € | + % 62,5 |
| Sunbilla | 260.000 € | + % 24,4 |
| Urdazubi | 160.000 € | + % 39,1 |
| Urroz | 75.000 € | + % 40,8 |
| Zubieta | 120.000 € | + % 29,9 |
| Zugarramurdi | 120.000 € | + % 45,2 |
