Cederna Garalurrek 30. urteurrena ospatzeko ekitaldia eginen du gaur

2019an Agoizko Kultur Etxean egin zuten batzar orokorreko une bat.

Argitalpen bat eta bideo bat aurkeztuko dituzte gaur Urraulgoitiko Santa Fe ostatuan 16:30ean eginen duten ekitaldian. 

30 urte bete ditu aurten Cederna Garalur elkarteak, eta proiektuaren historia eta egungo eta etorkizuneko proiektuak ezagutzera emateko argitalpen eta bideo bat aurkeztuko dituzte gaur urteurrena ospatzeko eginen duten ekitaldian.

Ekitaldira elkartea osatzen duten erakunde guztiak gonbidatu dituzte: udalak, kontzejuak, nekazaritzako sindikatuak, gizarte arloko elkarteak eta nekazaritzako elikagaien eta energiaren kooperatibak. Nafarroako Gobernuko hainbat tokiko ekintza talde ere bertaratuko dira aurkezpenera. 

Gaur eginen duten bilkurak iraganeko proiektuak gogoratzeko, iraganeko esperientziak partekatzeko, elkartearen egungo eta geroko proiektuei buruz hitz egiteko eta landa-eremuak dituen erronkei buruz hausnartzeko abagunea izan nahi du. 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun