Urriaren 16an eta 17an 'Los Muñecos de la Tarta' azokaren 5. edizioa ospatuko dute Irungo Ficoba erakustazokan. 11:00etatik 14:00etara goizez eta 15:00etatik 20:00etara arratsaldez, azoka zabalik egonen da bisitarientzat eta haien ezkontza prestatzen ari diren bikote guztientzat. 22 erakusketari izanen dira; ezkongaientzako soineko eta trajeak, argazkilariak eta bideogileak, DJak, bitxiak, eztei-autoak, jatetxeak, bidaia-agentziak, makillaje eta estetika, izozkigileak… ezkontza bat prestatzeko beharrezko guztia izanen da bertan.
Covid-19aren murrizketak direla eta, edukiera mugatua izanen du azokak eta gomendagarria da ordua hartzea www.losmunecosdelatarta.es webgunearen bitartez. Segurtasun neurri guztiak hartuko dituzte, distantziak mantenduz eta erakusketariak desinfektatuz. Doako aparkalekua izanen da erakustazokan.