Elizondon, 2022ra arte baliagarria zen ITVko eranskailua zuen, baina gidariak erakutsitako ikuskaritza teknikoko txartelak ez zeukan derrirrorrezko zigilua. Gidariak ikuskaritza Sunbillako ITVn pasatu zuela adierazi arren, hori ez zela horrela baieztatu zuen foruzaingoak eta dokumentuak faltsutzeagatik salatu du ibilgailuaren jabea, 62 urteko Bertizaranako bizilaguna.
Sunbillan, berriz, ITV azterketa gainditua zuela adierazi zuen gidariak, 37 urteko irundarrak. Baina erakutsitako pegatina (argazkian) martxoan kadukatua zegoen eta gainera, gaur egun ez dagoen modelo batekoa zen. Hau ere dokumentu publikoa faltsutzeagatik salatu zuten.