Laguntza Europar Batasunaren helburu eta lehentasunen arabera hartu da, eta Nafarroako nekazari eta ustiategien lehiakortasunaren hobekuntza indartuko du, landa-eremuan sare sozioekonomiko egonkor, dinamiko eta erakargarriari eusten zaiola ziurtatzeko, despopulazioa saihestuz.
Neurri hori Nafarroako Landa Garapeneko Programan (2014/2020) dago jasota eta FEADERek, Landa Garapenerako Europako Nekazaritza Funtsak, finantzatzen du, %31.
Deialdiaren oinarriek adierazten zuten laguntza hauen helburua osasun-krisiaren ondorioei erantzutea dela. Bereziki, nekazaritza-jardueren eta nekazaritza-produktuak eraldatu, merkaturatu edo garatzen dituzten enpresa txikiei, euren biziraupena arriskuan jartzen duten likidezia arazoak konpontzea.
Covid-19 krisiaren ondorioz izan diren mugikortasun murrizketek, nekazari eta landa-enpresa batzuei eragin die, bereziki nekazaritzako merkaturatze-zirkuitu laburretan lan egiten dutenei. Hau da, beren produktuak batez ere, azoketan, tokiko merkatu txikietan, edo kontsumo taldeetan saltzen dutenei.