Saihesbideek bi errei izanen dituzte noranzko bakoitzean. Barneko erreiak 3,25 metroko zabalera izanen du eta kanpokoak 3,50 metro. Errepidearen bi noranzkoak bereizteko, bi metroko erdibitzaile bat egitea aurreikusten du proiektuak, hesi metalikoarekin babestua. Bazterbideek 1,50 metroko zabalera izanen dute.
Proiektu horiek definituko dute zer obra egin behar diren saihesbideak egiteko eta, baita saihesbidearen ondoko zatiekin lotzeko beharrezkoak diren obrak ere. Horretarako, hiru lotetan banatutako kontratu bat lizitatu du Lurralde Kohesiorako Departamentuak, bana herri bakoitzaren eraikuntza-proiektuarekin.
Saihesbide berrien kokapena
Eraikuntza-proiektuetan abiapuntutzat hartuko diren trazadurak aldez aurretik egin dituzten alternatiben azterlanetan hautatutakoak izanen dira.Olabe inguruko topografia kontuan hartuta, Olabeko saihesbideak 2 km-ko luzera izanen du eta herriaren mendebaldetik igaroko da.
Burutaingo saihesbideak, aldiz, 1,5 kilometro inguruko luzera izanen du eta egungo trazaduraren mendebaldean eginen dute.
Arraizko Bentetako saihesbidea ere herrigunearen mendebaldetik igaroko da. Hirugarren lote honetako lanek Belateko eta Almandozko lotuneak aldatuko ditu. Errepidearen bi noranzkoak bereizteko, erdian 2 metroko erdibitzaile bat eginen dute, eta baita abiadura aldatzeko erreiak ere, trazadurari buruzko araudian adierazitako luzerekin.
Burutaingo saihesbideak, aldiz, 1,5 kilometro inguruko luzera izanen du eta egungo trazaduraren mendebaldean eginen dute.
Arraizko Bentetako saihesbidea ere herrigunearen mendebaldetik igaroko da. Hirugarren lote honetako lanek Belateko eta Almandozko lotuneak aldatuko ditu. Errepidearen bi noranzkoak bereizteko, erdian 2 metroko erdibitzaile bat eginen dute, eta baita abiadura aldatzeko erreiak ere, trazadurari buruzko araudian adierazitako luzerekin.