Bi ordu eta laurdeneko partida jokatu zuten atzo Doneztebe The Moment eta Doneztebe Apeztegia taldeek. Partida erabakigarria izan zen. Joaneko partidan Doneztebe The Momentek 9-6 irabazi zuen, baina atzo goizean jokatutako partidan Doneztebe Apeztegia 9-4 nagusitu zen, eta hori horrela, finalerdietan izanen da, Arraioz Sagardia, Oiz eta Irurita Migelene taldeekin batera. Antolatzaileek adierazi dutenez, oraindik ez dakite hurrengo partidak noiz jokatuko dituzten eta Covid-19aren arabera erabakiko dutela gaineratu dute.
Bertzetik, gaztetxoen laxoa txapelketak ere aitzinera segitzen du. Joan den ortziralean Iruritako plazan jokatu zituzten bigarren jardunaldiko partidak eta lehenbiziko partidan, Irurita B nagusitu zen, 7-3 irabazi zion Doneztebe Bri. Bigarren lehian Doneztebeko taldea nagusitu zen: Irurita Ari 3-7 irabazi zion Doneztebe Ak.
Ortzegunean jokatuko dituzte hirugarren jardunaldiko bi partidak, 17:00etan hasita: Doneztebe C Doneztebe Bren aurka eta Irurita A Irurita Bren aurka ariko dira.