Iker Vicentek irabazi zuen larunbatean Donostian Urrezko Kopako kanporaketa

Ttipi-Ttapa 2021ko uzt. 12a, 13:30

Sailkatu diren 5 aizkolariak: Iker Vicente, Mikel Larrañaga, Eneko Otaño, Aitzol Atutxa eta Jon Rekondo

Larunbat arratsaldean, Donostiako Trinitate plazan, hamabi aizkolarik jokatu zuten Urrezko Kopara sailkatzeko kanporaketa. Bi txandatan aritu ziren aizkolariak, eta 54 ontzako zazpi enbor ebaki behar izan zituzten. Hamabitik bost sailkatu dira abuztuaren 15ean eginen duten txapelketarako, horien artean Iker Vicente eta Jon Rekondo.

Donostiako kanporaketan Urrezko Kopako finalerako lehen bostak sailkatu dira:

1. Iker VICENTE	14'20"
2. Mikel LARRAÑAGA	14'44"
3. Eneko OTAÑO	14'45"
4. Aitzol ATUTXA	14'59"
5. Jon REKONDO	15'57"
6. Julen ALBERDI	16'16"
7. Jesus Mª MUGIKA	17'42"
8. Ugaitz MUGERTZA	18'21"
9. Iñaki AZURMENDI	19'40"
10. Julen LARRETA	19'44"
11. Eloy CORCHERO	20'14"
12. Juan RODRIGUEZ	21'29"

Berrikuntza garrantzitsua du aurten Donostiako Urrezko Kopak. Izan ere, Donostiako probako bost parte-hartzaileek euren tokia lortu behar zuten larunbatean Donostian jokatu zen kanporaketan. Tradizioz, Euskal Herriko Txapelketako lehen bost sailkatuak biltzen ditu Urrezko Kopak, baina aurten, pandemiak kirol egutegian izan duen eragina dela eta, antolatzaileek sailkapen proba hau sartzea erabaki dute.

Iker Vicentek irabazi zuen kanporaketa, Mikel Larrañagari 24 segundoko aldea atera ondotik.

Mikel Larrañaga bigarren sailkatu zen Donostiako kanporaketan.

Jon Rekondo bosgarren sailkatu zen Donostiako kanporaketan.

Kirola

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun