San Fermin erremonte txapelketak ezagun ditu bere lehen finalistak. Maila nagusian Urriza eta Aizpuru III. ariko dira finalean eta B multzoan, Oskar Urrutia II.a saldiastarra eta Martirena. Bi bikote hauek finalerako arerioak gaur arratsaldean jakinen dituzte, bi kategorietako finalaurrekoak jokatuko baitituzte Galarretan.
Txapelketa nagusiko finalaurrekoan Aritz Juanenea saldiastarra eta Barrenetxea IV.a, Ansa II.a eta Larañagaren kontra ariko dira. B multzokoan, Loitegi eta Aritz Zubiri goizuetarra, Zaldua II.a eta Labakaren kontra. Gaur 17:00etan hasiko den jaialdia irekitzen duen partidan, Oskar Urrutia eta Aizpuru III.a, Goikoetxea V.a eta Martiarenaren kontra ariko dira.