Urriza eta Aizpuru III.a dira San Fermin erremonte txapelketako lehen finalistak

B multzoko finalerako txartela lortu du Oskar Urrutia saldiastarrak (goitian, erdian) eta finalerdia jokatuko du Aritz Zubiri goizuetarrak (beheitian erdian).

B multzoan, berriz, Oskar Urrutia saldiastarrak eta Martiarenak lortu dute finalerako txartela

Urrizak eta Aizpuru III.ak30-22 irabazi zieten larunbatean Galarretan Aritz Juanenea saldiastarrari eta Barrenetxea IV.ari eta gisa horretara, San Fermin torneoko lehen finalistak dira. Bertze finalista zein den asteazkenean jakinen da. Juaneneak eta Barrenetxeak, Ansa II.a eta Larrañagaren kontra jokatuko duten finalerdietako irabazlea izanen da.

B multzoan ere ezagun dira finalista eta finalerdietako protagonistak zein izanen diren. Oskar Urrutia II.a saldiastarrak eta Martiarenak 27-30 galdu egin zuten larunbatean Loitegi eta Aritz Zubiri goizuetarraren kontra, baina halere finalean izanen dira. Finalerdian, Loitegi eta Zubiri, Zaldua II.a eta Labakaren kontra ariko dira.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun