Nafarroako erremonte txapelketako bosgarren jardunaldia jokatu zuten larunbatean Artaxoan. Azpiroz eta Matxin III.a nagusitu ziren bi partidetan (20-12 irabazi zieten Aldabe eta Saldiasi eta 20-19 Ezkurra II.a eta Barricarti). Azken bi hauen arteko lehian, Aldabek eta Saldiasek erraz irabazi zieten Ezkurra II.a eta Barricarti.
David Beriaini omenaldia
Txapelketako partidak hasi baino lehen, Erremonte Fundazioak omenaldia eskaini nahi izan zion David Beriain Amatriaini, Burkina Fason eraildako Artaxoako kazetariari. Artaxoako udalak seme kuttun izendatu du Beriain eta horren jakinarazpen-agiria eman zien alkateak senideei. Ondotik, Beriainek egindako goraipatzen duen esaldi bat zeukan erremonteko kamiseta bana eman zieten Beriainen ilobei. Familiak erremontistek egindako arkuaren azpitik atera ziren kantxatik, Artaxoako pilotalekuko baimendutako edukiera bete zuten 148 ikusleek txalo zaparrada handi batekin agurtuta.