Iaz baino gehiago izan dira aurten Nafarroan selektibitateko ohiko deialdia gainditu dutenak. Aurkezturiko ikasleen %98,35 dira zehazki gainditu dutenak; iaz, ordea, %96,53 izan ziren. Nafarroa osoko 3.409 ikaslek eman zuten izena derrigorrezko zatia egiteko. Horietatik 3.345 lagunek gainditzea lortu dute, zortzi ez dira aurkeztu (lau konfinatuta zeudelako) eta 56k ez dute gainditu.
Eskualdeko ikastetxeei begira Berako Toki Onatik 42 ikasle izan dira eta 40k gainditzea lortu dute (%95,2); Leitzako Amazabal ikastetxeko 38k egin dute eta 35 izan dira gaindituak (%92,6); eta Lekaroztik 58 izan dira eta guztiek gainditu dute.