Lehen inputazioa Oronozen gertatu zen, gaueko 11etan. Elizondoko komisariako patruilek gidaria identifikatu zuten, telefono mugikorra kontsultatzeko bere autoa errepide erdian gelditzeagatik. Momentu horretan 0.89 mg/l-ko eta 0.91 mg/l-ko alkohol-tasak eman zituen, eta, beraz, Iruñeko epaitegira deitu zuten bide-segurtasunaren aurkako delitu batengatik ikertu gisa, eta bertze pertsona batek egin behar izan zuen ibilgailuaren kargu.
Bortz ordu geroago, 05:36 aldera, Foruzainek abisua hartu zuten erranez N-121-A errepidean auto bat zealdoka zebilela gaztigatuz. Olaguen atzeman zuten eta oraingoan gidariak 1.03 mg/l-ko alkohol-tasa eman zuen.
Bigarren aldiz, Atestatuetako Brigadak agintaritza judizialari dagozkion eginbideak egin ditu, eta gidariari dei egin dio bide-segurtasunaren aurkako bertze delitu batengatik epaiketa zuzena egiteko.
