Kantauriar isurialdeko ibai guztiak «arras egoera ona» erakusten dute adierazle biologikoetan (ibaietan bizi diren organismoen araberakoa) eta baita fisikokimikoetan ere (uraren azido, nitrato, fosfato eta bertzelako substantzia kaltegarriak neurtzen dituenak).
Nafarroa osoko 128 laginketa-puntuetatik, %75ak Europar Batasunak ezarritako gutxieneko ekologikoak betetzen ditu. %35ak «arras egoera ona» dauka eta «egoera txar edo eskasekoak» %20a izatetik %3a izatera pasatu dira. Tarte «kezkagarrienak» Argaren arroan daude; Iruña, Arakil, Ebro eta Zidakoseko uretan. Hala ere, bilakaera «ona eta itxaropentsua» da.