HeliNET Partzuergoak aste honetan egin duen zortzigarren bileran, Nafarroan erabiliko diren heliazalera berrien obren egoera aztertu dute. Dagoeneko prest daude Leitzan, Lekunberrin, Saldiasen, Larraintzarren eta Izaban egin dituztenak. Miluzekoa (Iruñerrian) egokitu eta neurriz handitu dute eta Belaguako heliazalera ere, zaharberritu eta egokitzeaz gain, gaueko operazioetarako argiztapena paratu diote. Guztiak laster erabiliko dira.
Etxalarko heliazalerari dagokionez, udalak Nafarroako Gobernuaren esku utzi zuen aspaldi heliazalera egiteko lur-eremu bat. Geroztik, eremu horren inguruko bizilagun batzuk proiektuaren kontrako alegazioa tramitatu zuten eta udalak bandoa atera zuen galdetuz herritarren batek eremu egokiagoren bat saltzeko ba ote zuen. Epea bukatuta udalak ez du horretarako inolako proposamenik hartu eta orain Nafarroako Gobernuaren esku dago prozedura administratiboaren hurrengo urratsak ematea. Kasu honetan, 2022ko ekainean bukatzen da heliazalera prest izateko luzatu duten epea.
Noiz da heliportua eta noiz heliazalera?