Paletan lehen urratsak eman ondotik, Mendabiak eta Lodosak emanen diete hasiera Nafarroako I. Foru Komunitateko esku-huskako pilota txapelketei asteburu honetan. Gainera, emakumezkoen esku pilota onenaren maratoi batekin eginen dute, 28 partida jokatuko dituzte denera, 14 larunbatean Mendabian (5 pilota mistoan eta 9 goxoan) eta bertze horrenbertze igandean Lodosan. Herri batean zein bertzean, eskualdeko hainbat pilotari ariko dira, nagusien nahiz gazteen mailan.
Larunbatean 11:00etan Mendabian
Gazteak, pilota mistoa
- Etxegarai-Oses /A. Romero-Mendiburu
- Arraiza-Gaminde /Berrocal-Zabala
Nagusiak, pilota mistoa
- Amaia Aldai-Naroa Agirre / Arrizabalaga-G. Aldai
- R. de Infante-Orbegozo/ Agirre-Bergara
- Garai-Mendizabal/ Salsamendi-Olatz R. de Larramendi
Arratsaldez, 15:00etatik aitzinera, nagusien pilota goxoko A, B eta C multzoetako kanporaketak jokatuko dituzte.
Igandean 11:00etan Lodosan
Gazteak, pilota mistoa
- Etxegarai-Oses /Berrocal-Zabala
- Salinas-Capellan / A. Romero-Mendiburu
Nagusiak, pilota mistoa
- Etxebeste-Erasun / Aldaregia-Maite R. de Larramendi
- R. de Infante-Orbegozo/ Garai-Mendizabal
- Agirre-Bergara/ Salsamendi-Olatz R. de Larramendi
Gazteen pilota goxo txapelketan ere eskualdeko hainbat pilotari
Arratsaldez, 15.00etatik aitzinera, gazteen pilota goxoko A, B, C eta D multzoetako kanporaketak jokatuko dituzte. A multzoan, Alize Sagardui eta Araitz Legarreta goizuetarrek bikote eginen dute eta Goiuri Zabaleta leitzarra Iruñeko Aizane Ibarrolarekin ariko da; B multzoan Arantzako Helene Altzuri eta Kattin Madariaga ariko dira; C multzoan Aresoko Leire Oskoz eta Erika Alvarez eta D multzoan Lesakako Amaiur Martinez eta Ainize Martinez ahizpak.