Igande girotua izanen dute Aldatzen asteburu honetan. 10:30ean hasiko da azoka, zirkuitu bat eginen duten 23 postuk osatutakoa, eta zabalik egonen dira 14:00ak arte. Gainera, 12:30ean Mendialdeko Baserritarren Elkarteak, HABELARTEk, aurkezpena eginen du berriz ere.
Denetarik izanen da salgai azokan; haragi ekologikoa, taloak, etxeko barazki eta sagardoa, ardi, behi eta ahuntz gasna, marmeladak, garagardoa, eztia... elikagaiez gain, artisautza produktuak ere izanen dituzte; zilarra, larrua, kosmetika naturala, sendabelarrak, eskulanak, zapatak, zeramika, belarritakoak... Honez gain, Aralar Musika eskolako kideak goiz osoan azoka girotzen egonen dira.