Parte hartzeko, bertsoak bi modutan entregatu ahal dituzte interesdunek. Paperean, helbide honetara bidali behar dituzte lanak:
Berako kultur etxea
Baztan-Bidasoko XXXIV. Bertsopaper Lehiaketa
Eztegara pasealekua, 11
31.780 BERA (Nafarroa)
Helbide elektronikora bidaltzekotan, kultura@bera.eus helbidera bidali beharko da bertsoa PDF formatuan. Gaian, Baztan-Bidasoko XXXIV. Bertso Paper Lehiaketa paratu behar da eta mezuan ondoko datu hauek: izen-abizenak, maila, adina, bertsoaren izenburua eta telefonoa. PDF artxiboan izenburua, maila eta bertsoa azaldu behar dira soilik, ez da izen-abizenekin sinatu behar.
Lehiaketa
Lau mailatan banatu dituzte partaideak:
- A maila: 10 urte artekoak. Bertso bat edo bi kopla osatu beharko dituzte. Saria: trofeoa eta 50 euro irabazleak eta trofeoa eta 30 euro bigarrenak.
- B maila: (11-14 urte) Bi bertso edo lau kopla egin behar dituzte guttienez. Saria: trofeoa eta 100 euro irabazleak eta trofeoa eta 70 euro bigarrenak.
- C maila: (15-18 urte) lau bertso osatu beharko dituzte guttienez. Saria: trofeoa eta 150 euro lehenbizikoak eta trofeoa eta 120 euro bigarrenak.
- D maila: 18 urtetik goiti. Guttienez 8 bertso egin beharko dituzte. Saria: trofeoa eta 200 euro garaileak eta trofeoa eta 150 euro bigarrenak.
Sariak ekainean banatuko dituzte, Covidaren aurkako araudiaren arabera.