3.800 euroko gehieneko laguntza
Nafarroako Gobernuak 120.000 euro erabiliko ditu programa honetarako, eta dirulaguntza hartzeko baldintzak betetzen dituzten pertsonek azaroaren 30a arte egin dezakete eskaera. Kontuan hartu behar da urtarrilaren 1etik 2021eko azaroaren 29a bitarteko epean erositako produktuak finantzatuko direla.
Zehazki, dirulaguntzak honako produktu hauek erosteko erabili ahal izanen dira:
- Zainketa eta babes pertsonala errazten duten produktuak (garbitzeko edo altxatzeko lagungarriak);
- Komunikaziorako eta informaziorakoak: betaurrekoak, lentillak, audifonoak edo moldeak…
- Mugikortasun pertsonalerako gailuak (eskuzko aulkiak edo propultsio elektrikoko aulkiak eta garabiak), edo atsedenerako elementuak (ohe artikulatua, eskaren kontrako koltxoia).
Laguntzaren zenbatekoa eskatzailearen per capita errentaren araberakoa izanen da, eta gehieneko dirulaguntza 3.800 eurokoa. Bidezko arrazoirik izan ezean, ezin izanen da kontzeptu beragatik laguntzarik hartu hurrengo lau urteetan.
Deialdiaren baldintzak navarra.es atarian kontsulta daitezke. Eskaerak, ahal dela, Nafarroako Gobernuaren Erregistro Elektronikoan edo edozein erregistro presentzialetan aurkeztuko dira. Horretarako, hitzordua eskatu beharko da.