Urrezko Banakako Aizkolari Txapelketa Eusko Label Sariko jardunaldia jokatuko dute maiatzaren 8an, larunbatean 17:30ean Lekunberrin, baita Hiru Hamarreko harri-jasotze txapelketakoa eta emakumezkoen harri-jasotze txapelketakoa.
Aizkoran, hamabi aizkolari ariko dira lehian, hurrengo kanporaketan aritzeko eskubidea emate duten hiru txartelen bila. Eskualdeko ordezkaritza Leitzako Julen Olanok eta Beintza-Labaiengo Jon Telletxeak osatuko dute. Beraiekin batera, Mikel Agirre (Ondarroa), Beñat Amade (Getxo), Txomin Amundarain (Arribe), Goizeder Belza (Etxarri-Aranatz), Jon Esnal (Usurbil), Ruben España (Valsain-Segovia), Borja Fernandez (Valsain-Segovia), Marco Nevado (Revenga-Segovia), Luis Polanco (Otxandio) eta Ibai Soroa (Arribe) ariko dira.
Gizonezkoen harri-jasotze txapelketan Beñat Telleria (Lasarte) eta Urdax Magunazelaia (Otxandio) lehiatuko dira 125na kiloko zilindro zaharrarekin, kubikoarekin eta borobilarekin. Emakumezkoen harri-jasotze txapelketan, Aroa Sanchez oriotarra harri zilindrikoarekin, kubikoarekin eta borobilarekin ariko da.