Emakumezkoen langabezia tasak goiti egin du apirilean eta gizonezkoenak beheiti

Ttipi-Ttapa 2021ko mai. 6a, 09:00

Martxoan baino bi langabe guttiago zenbatu dituzte eskualdean eta Nafarroako Gobernuaren arabera, gaur egun 943 lagun dira enplegurik gabe daudenak. Kopuru absolutuari erreparatuz, langabezia jaitsi egin da, baita gizonezko langabe kopurua ere. Baina lanik gabe dauden emakumeak martxoan baino gehiago dira.

Apirilean lanik gabe zeuden 943 lagunetatik erdia baino gehiago emakumezkoak dira: 541, hain zuzen. Martxoko datuekin alderatuz goiti egin du kopuruak, hamar emakumezko langabe gehiago zenbatu baitituzte. Aldiz, gizonezkoetan langabeziak beheiti egin du, martxoan baino 12 langabe guttiago dira, 402 guztira. 

Are gehiago, joan den urteko datuekin konparatuz, goiti egin du langabeziak Doneztebeko Enplegu Bulegoan. Joan den urtean garai honetan 838 langabe ziren, aurten baino 105 guttiago.

Gainerakoan, Nafarroa osoko enplegu bulegoen artean Doneztebekoa da langabezia tasarik baxuena duena.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun