Zehazki, prozedurak boluntarioen udal-elkarteentzat eta babes zibileko tokiko elkarteentzat nahiz jarduera espezifikoak dituzten boluntarioen elkarteentzat eta suhiltzaile boluntarioen elkarteentzat dira. Hiru kasuetan, eskaerak aurkezteko epea maiatzaren 31n amaituko da.
Aurtengo otsailean Nafarroako Gobernuarekin Lankidetza Hitzarmena sinatu zuten Udalek (Agoitz, Bera, Goizueta, Izaba, Leitza, Lesaka eta Luzaide) dirulaguntza eska dezakete suhiltzaile boluntarioen elkarteen funtzionamenduan eta inbertsioetan laguntzeko, dagoeneko NAOn argitaratutako deialdian ezartzen denaren arabera. Gobernuak 203.000 euro bideratuko ditu erakunde horiei laguntzeko: 181.000 elkarteen gastu arruntak artatzeko (aseguruak, ekipamendua, erregaiak, konponketak, materiala, e.a.) eta gainerakoa inbertsioetarako (obrak, material inbentariagarria, ibilgailuak, e.a.). Sinaturiko hitzarmena kontuan hartuta, aipatu zazpi herrietako elkarteak larrialdietarako sistema publikoan sartzen dira, eta Babes Zibilak koordinatutako arreta emateko mobilizatzeko prest egon beharko dute.