Hitzordua hartua dutenek bakarrik izanen dute odola emateko aukera. Hala, norbaitek odola eman nahiko balu, 848 42 05 73 telefonora deituz edo www.adona.es webgunean eman beharko luke izena.
Covid-19a tarteko, hona hemen ADONA Nafarroako Odol-emaileen Elkartearen gomendioak:
- Osasunez ongi egotea ezinbestekoa da odola emateko.
- Ongi hidratatua egotea komeni da.
- Azken 28 egunetan Covid-19a duen edo hala duela uste duen norbaitekin harremanetan egon bada, ezin da odola eman.
- Covid-19aren sintoma arinak izan baditu, edo asintomatikoa izan bada, PCR negatiboa jaso eta 15 egunen buruan eman daiteke odola, edo sintomak desagertu edo medikuaren alta jaso duenetik hilabete batera.
- Sintoma hauek izanez gero ezin da odola eman: sukarra, eztul idorra, mukia, eztarriko mina arnasteko arazoekin, usaimenaren edo dastamenaren galera, beherakoa...
- Azken 15 egunetan Europako bertze herrialde batean edo azken 30 egunetan Europatik kanpo ibili bada ezin da odola eman.
- Garbitasun neurriak hartzea ezinbestekoa da: eskuen garbitasuna, maskararen derrigorrezko erabilera...
- Etxetik atera aurretik sukarra hartu behar da eta 37º baino gehiago izanez gero, ezin da odola eman.
- Odola eman eta ondoko 14 egunetan koronabirusarekin lotutako sintomarik izanez gero, 848 422 570 telefonora deitu behar da.