Apirilaren 28an, 18:30ean, Hokoke dokumentala proiektatuko dute Doneztebeko Herriko Ostatuan. LAB eta ERNAI taldetako hizlariak egonen dira bertan eta Huertas de Peraltako nekazarien borrokari buruz arituko dira.
Apirilaren 29an Berako Kultur Etxean zaintza lanen inguruko hitzaldia emanen dute 18:00etan, lan hitzarmen bat eskatzeko. Bera, Lesaka eta Elizondoko zahar egoitzetako langileak eta Gaztelu Garralda LABeko Nafarroako sektore arduraduna izanen dira hizlariak.
Apirilaren 30ean Lesakako Arranon gazteen prekarietateari buruzko hitzaldia eginen dute 19:00etan, LAB eta ERNAIko partaideen eskutik.
Mobilizazioa igandean
Honez gain, larunbat honetan, Langilearen Nazioarteko Eguna, mobilizazioa eginen dute Elizondoko plazan 12:00etan «langileen egoera eta sistema kapitalistak utzitako suntsipena» salatzeko.