Nafarroako Gobernuko Lurralde Kohesiorako Departamentuak, Herri Lan eta Azpiegituren Zuzendaritza Nagusiaren bidez, 400.000 euroko (BEZa barne) lizitatu du Nafarroako 22 errepidetako bazter-babes metalikoak egokitzeko kontratua. Lanak aurten eginen dituzte eta 310 kilometro hobetuko dituzte honela, horietako aunitz eskualdeko errepidetan.
Honela, Bera eta Ibardin arteko NA-1310 errepidean, Lekunberri eta Leitza artean (NA-1700), Lesaka eta Oiartzun artean (NA-4000), Doneztebe eta Saldias artean (NA-4040), Orokieta eta Saldias artean (NA-4114) eta Leitza-Goizueta-Hernani errepidean (NA-4150).
Lanek sei hilabeteko iraupena izanen dute, eta elementu horien ertzak egokitu eta leundu beharko dituzte, istripuak gertatzen direnean ibilgailuek edo pertsonek bazter-babesak kolpatzerakoan arrisku guttiago izan dezaten.