Xareta eta Bera inguruan grabatu dute AT proiektuaren bigarren saioa

Maddalen Arzallus da bigarren saioaren protagonista.

Gazte sortzaileei ahotsa ematea helburu duen proiektua da AT. Maddalen Arzallus da bigarren saioaren protagonista.

Nafarroako Gobernuak Euskarabidearen bidez sustatutako ikus-entzunezko proiektua da AT, Katubik ekoiztua. Askotariko kultur adierazpenak zabaltzeko egitasmoa da AT WEBSAILA, Euskal Herriko gazte sortzaileei ahotsa emateko plataforma. Bideo berria igotzen dute astero web orrira abeslari, dantzari eta musikari desberdinekin. Nøgen taldeko Eider eta Alex izan ziren lehenbiziko atalean. Bigarren atal honetan, Iparraldeko mugatik zehar ibili da Maddalen Arzallus saioaren furgonetan.

Lesakar bat eta beratar bat hurrengo atalean

Ortzirale honetan, apirilaren 16an, hurrengo atala estreinatuko dute, Martxel Rodriguez Etxabide dantzari lesakarra izanen duena protagonista. Ekhiñe Zapiain Berako bertsolaria ere agertuko da bertan gitarrarekin kantatzen.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun