Loitzate
Loitzate mendia (1.048 m.) Mendaurko mendilerroan dago, Goizueta, Beintza-Labaien eta Zubieta artean. Mendi buelta egin nahi duenak aukera bat baino gehiago ditu aukeran: Goizueta-Aitasemegitik abiatuta, Zubietatik, Arantzatik… Edozein dela ere hautatu dena, bidean monumentu megalitiko ugari ikus ditzakegu: harrespilak, mairu-baratzeak… (historiaurreko hilobiak). Batzuk neke handiz bereizten dira.